well come To7yes

عزيزى الزارئر تم تغير منتدى هيس الى منتدى طلبة لكل الطلبة

اضغط على اللينك للدخول او قم بنسخه ووضعة فى متصفحك

www.tlaba.p2h.info/vb

ونتمنى ان تكون عضو لدينا سواء فى منتدى هيس او منتدى الطلبة شكرا ادارة المنتدى
well come To7yes

هيس اول منتدى يضم شباب الخدمة والالسن والتجارة فهيس معانا

ادارة المنتدى .. تم فتح منتدى طلبة لكل الطلبة  تعالة يلا سجل بسرعة  قم بنسخ الرابط وضعه فى متصفحك www.tlaba.p2h.info/vb

    قصيدة عزة للشاعر الكبير احمد فؤاد نجم

    شاطر
    avatar
    mada_salim
    مهيس كبيراوى
    مهيس كبيراوى

    ذكر
    عدد المشركات : 222
    البلد : فيصل
    نقاط : 265
    تاريخ التسجيل : 12/06/2009

    حصرى قصيدة عزة للشاعر الكبير احمد فؤاد نجم

    مُساهمة من طرف mada_salim في الخميس يونيو 18, 2009 1:29 pm

    الغرام في الدم سارح
    والهوى
    طارح معزه
    والحنين للقرب بارح
    والنوى جارح
    ياعزه
    ياابتسامة فجر هلت
    بددت ليلي الحزين
    ياندى الصبح الللي سأسأ
    فوق خدودي الدبلانين
    بل شوقهم
    صحى لون الورد فوقهم
    كل خد
    وشم ورده
    مين يدوقهم
    غيرك انتي
    ومين سواكي
    ياحياتي
    ياملاكي
    يانسيم الحب لما هب
    هز القلب هزه
    ياهوى الاحلام ياعزه
    ...
    الليلادي جم خدوني ياملاكي
    جوز تنابله
    ونص دسته
    من التيران
    كنت باحلم ياحبيبتي
    كنت باحلم
    بيكي انتي
    كنا قال
    انا وانتي قال
    ف جنينه خضرا
    ومحاوطها البرتقان
    والسيسبان
    وانتي جوا قرنفلايه
    بالعبير بتستحمي
    اجري يمك ياهوايا
    تسبقيني وتجري يمي
    أحضنك
    واشرب عبيرك
    من شفايفك
    والغصون
    واقفه وشايفه
    بتراعينا
    بس خايفه م العيون
    والعيون بتقول كلام
    والكلام
    طاير حمام
    بينادينا بالاغاني
    ويهادينا بالسلام
    كنت بحلم ياحبيبتي
    كنت باحلم
    بيكي انتي
    ايوه انتي
    ومين سواكي
    ياحياتي
    ياملاكي
    يانسيم الحب لما هب
    هز القلب هزه
    ياهوى الاحلام ياعزه
    وانطلق في الجو فجأه
    ياحبيبتي
    صوت مفاجأه
    صوت يخلي الدم يجمد
    اصحى يا احمد
    اصحى يااحمد
    وانتهى الحلم الجميل
    وابتدا الهم التقيل
    _
    فين امام

    _
    انتوا مين

    _
    احنا ناس مكلفين

    تيجي سالك مش ح تتعب
    واحنا طبعا معذورين
    _
    انتو دود الارض

    واللآفه المخيفه
    انتو ذرة رمل
    في عيون الخليفه
    انتو كرباج المظالم
    والمآسي
    انتو عله ف جسم بلدي
    انتو جيفه
    _
    سكتوه ابن الكلاب

    سففوه من التراب
    فتشوا كل الاماكن
    طلعوا رفوف الدولاب
    ...
    كمموني يا حبيبتي
    كتفوني يا حبيبتي
    قوموني
    ..قعدوني

    كل شعره في جسمي
    بالعين فتشوها
    المخده من جنانهم
    شرحوها
    وانتهى التفتيش
    مافيش
    صدقيني
    ماتخافيش
    هو فيه ياعزه عندي ممنوعات
    غير باحب الناس
    وباكره السكات؟
    ...
    بص واحد من التنابله
    جوا عيني
    وانتي عارفه
    عنيه صافيه وطيبين
    زي كل عيون بلدنا يا حبيبتي
    شباكين
    ع القلب دوغري موصلين
    كان مناه يلمح علامة خوف بسيطه
    طب حييجي الخوف منين ابن
    العبيطه
    هو مين فينا الجبان
    ولامين فينا الللي خان
    اللي قلبه بالمحبه و بالاماني
    وبالربيع لاخضر مزهر
    والاغاني
    ولاكلب الصيد
    واسياده الاباطره
    أكالين لحم البشر
    فوق الصواني؟
    هو مين فينا الجبان
    ولامين فينا اللي خان
    هو بص في عيني بصه
    ارتجف وف حلقه غصه
    واتعوج ومال وقال
    جملتين مش مفهومين
    أصله شاف صورتين جمال
    في العيون الطيبين
    مصر في العين الشمال
    وانتي في العين اليمين
    avatar
    mada_salim
    مهيس كبيراوى
    مهيس كبيراوى

    ذكر
    عدد المشركات : 222
    البلد : فيصل
    نقاط : 265
    تاريخ التسجيل : 12/06/2009

    حصرى رد: قصيدة عزة للشاعر الكبير احمد فؤاد نجم

    مُساهمة من طرف mada_salim في الجمعة يونيو 19, 2009 11:17 am

    القصيدة دى من احلى القصائد اللى قريتها فى حياتى
    لانها على اسم انسانة غالية عندى اااااااااااااااااخر حاجة

      الوقت/التاريخ الآن هو الأربعاء نوفمبر 22, 2017 10:58 pm